കുഞ്ഞുനാൾ മുതൽ ഒരു മനുഷ്യൻ ബാല്യപാഠം പഠിച്ചു തുടങ്ങുന്നത് അവന്റെ വീട്ടിലാണ്. ആദ്യം ഗ്രന്ഥങ്ങളിൽ തുടങ്ങി കുഞ്ഞു കഥ പുസ്തകങ്ങളിൽ തുടങ്ങി പിന്നീട് അവന്റെ ജീവിതത്തെ തന്നെ ഒരു പുസ്തകമായി ക്രമീകരിക്കപ്പെടുന്നു.
ദൈവം മനുഷ്യനെ ക്രമീകരിച്ചിരിക്കുന്നത് സ്വയം പഠിക്കാൻ വേണ്ടി മാത്രമല്ല മറ്റുള്ളവർക്ക് പകർന്നു നൽകുവാൻ വേണ്ടിയുള്ളതാണ്. അവർ പുസ്തകങ്ങളിലൂടെയും, പ്രസംഗത്തിലൂടെയും തന്റെ ജീവിതത്തിലൂടെയും പകർന്നു നൽകുന്നു.
ഒരിക്കലും ഒരുവൻ താഴ്ന്നു പോകുവാൻ അറിവ് സമ്മതിക്കുന്നില്ല, എന്തെന്നാൽ അറിവ് കൂടുക മാത്രമേയുള്ളു. അറിവ് നിയമമാകുന്നു, ഓരോ ജന്മവും വളരുന്നത് അറിവിലൂടെയാകണം. അറിവ് എന്നത് പഠനത്തിലൂടെയാകട്ടെ, കാരണം പഠനമില്ലാതെയുള്ള അറിവ് വിജ്ഞാനം പകരുന്നില്ല.
വിജ്ഞാനം പകരുമ്പോൾ സത്യസന്ധത ഇല്ലെങ്കിൽ വിജ്ഞാനം ശരിയായ ദിശയിൽ പോകണമെന്നില്ല, ശരിയായ ദിശ എന്നുള്ളത് സത്യസന്ധതയിലൂടെ മാത്രമേ സാധിക്കുകയുള്ളു.
വിജ്ഞാനം പഠനം എന്നതിലുപരി അനുഭവമാണ്, അനുഭവത്തിലൂടെ മാത്രമേ വിജ്ഞാനം കൈവരിക്കുകയുള്ളു. ദൈവം വിജ്ഞാനം നമ്മുക്ക് നൽകട്ടെ.
